Сарапшылар мұнай бағасына қатысты болжам жасады

Биыл қара алтын құны барреліне 55-60 доллар шамасында болады. Халықаралық сарапшылар осындай болжам жасап отыр. Айтуларынша мұнайдың қымбаттауына дәл қазір айтарлықтай себеп жоқ.

Баға ОПЕК және ОПЕК+ ұйымдарының өндірісті азайту немесе арттыруға қатысты шешімдеріне сай белгіленіп отырады дейді. Ал екінші жартыжылдықта баға сәл төмендеуі мүмкін. Өйткені келіссіөздер оң нәтиже берсе, АҚШ Иранға салынған санкцияларды алмақ. Сол кезде парсы елі өндіріс пен экспортты арттырады деп күтіліп отыр. Мұның бағаға кері әсер етері сөзсіз дейді сарапшылар. Ал қазір бренттің бағасы 69 доллар.

Досжан Маратұлы