Оқушыларға тазалық дағдылары ойын арқылы түсіндіріледі

Ақтөбеде лагерьлерде демалып жатқан оқушыларға тазалық дағдылары ойын арқылы түсіндіріліп жатыр.

«Тазалық – мәдениеттің белгісі» деп аталған танымдық іс-шараға экологтар мен өзге де мамандар арнайы шақырылды. Балалар алдымен өздері тұрып жатқан елді мекендердің тазалығына қатысты ойларын ортаға салды. Қойылған сұрақтарға жауап берді. Сондай-ақ, қоқысты дұрыс сұрыптауды үйренді. Оқушылар алдағы уақытта қалдықтардан пайдалы зат құрастыруды да меңгермек.

Нәзия Есқазиева, мемлекеттік экологиялық инспектор:

«Эко-қаһарман» ойынын алып келдік. Ол қазіргі кезде экологияны қорғау үшін, балалар өз тарапынан не жасай алады, қандай істер арқылы табиғатты қорғауға болады? Ситуациялық сұрақтар қоямыз, ненің дұрыс, ненің бұрыс екенін сол ойын арқылы балаларға жақсы түсінікті болады деп ойлаймыз.