Әлемнің мықты дзюдошылары Қазақстанда жаттығуда

Алматы облысында ел тарихындағы тұңғыш халықаралық дзюдодан оқу-жаттығу жиыны өтіп жатыр. Әлемнің 30 елінен 700-ден астам спортшы жиналған жиында Олимпиада және әлем чемпиондары,  сондай-ақ халықаралық жарыстардың жүлдегерлері бар.

Бұл жерде тәжірибелі балуандар жас спортшылармен бірге жаттығып, өздерінің әдіс-тәсілдерімен бөліседі. Жаттығулар таңертең және кешке өтеді. Ал әр команда жеке бағдарламасы бойынша күш дайындығы мен тактикалық жұмыстарын жүргізеді.  Мұнда ұлттық құрамадан бөлек, жастар арасындағы әлем чемпионатына дайындалып жатқан саңлақтар да  қатысып жатыр. Сонымен қатар елдің 20 өңірінен іріктелген үздік дзюдошылар бас қосқан, дейді ұйымдастырушылар.

Ғұсман Қырғызбаев, Олимпиада чемпионы:

Елімізде дзюдо тарихында осындай сборлар ең алғаш өтіп жатыр. Әлемнің мен деген спортшылары осындай жаңағы Жапония, Грузия, Россия деген сияқты. Қаймақтары осы жерде жүр жалпы. Осындай сборды ұйымдастырып берген Қазақстанның спорт және туризм министрлігіне алғыс білдіреміз. Бұл біз үшін абырой ғой, шындығын айтқанда.