Павлодар облысында 17 жастағы жеткіншек абайсызда оқ атып, оқушыны жаралады

Ойнаймын деп от басты. Павлодар облысы, Аққулы ауданы, Шарбақты ауылының 17 жастағы тұрғыны тапа-тал түсте темір қақпаны пневматикалық қарумен атып ойнаған. Атылған оқ кері серпіліп барып, жанындағы баланың көзіне тиген.

14 жастағы Сәкен Ақжол қазір облыстық ауруханада. Операция жасалды. Бірақ әзірге көздің ұясына кірген қорғасынды алып шығу мүмкін болмай тұр. Осы оқиғаға қатысты қылмыстық іс қозғалды. Ал, күдікті ИЖ-38 маркалы пневматикалық қаруды өзен жағасынан тауып алғанын және жазатайым жағдай екенін айтып, ақталуда.

Бақытгүл Аққубай, жарақаттанған Сакен Ақжолдың анасы:

- Көзін басып, үйге кірді. Не болғанын сұрап едім, көзіне бірдеңе тигенін айтты. Көршінің баласы, сол ойнап жүріп атып жіберіпті.

Болат АМАНБАЕВ