Негізгі азық-түлік қоры 819 мың тоннаға жетті

Елде негізгі азық-түлік қоры 819 мың тоннаға жетті. Ауыл шаруашылығы министрлігі азық-түлік тауарларының 32 түрі бойынша мониторинг жүргізген. Тауардың 301 мың тоннасы өндіруші кәсіпорындарда, қоймаларда – 86 мың тоннадан аса, сауда желілерінде – 374 мың тонна, тұрақтандыру қорларында – 18 мың тоннадан аса азық-түлік тауары бар. Сонымен бірге 495 млн дана жұмыртқа қорға жиналған.

Жауапты министрлік өкілдері тауар алты айға дейінгі жеткілікті екенін айтады. Бұған дейін негізі азық-түліктің жыл басынан бері қымбаттап жатқанын айттық. Әлеуметтік маңызы бар тауардың өзі бір жылда 9,6%-ке өскен. Бағаны ұстап тұру үшін тұрақтандыру қорына биыл 33 млрд теңге бөлінген еді. 

Ақерке Бектас