Маусымға дейін елге 4600 адам көшіп келген

Қатаң локдаун сейіле бастаған тұста көші-қон қайта жалғасып жатыр. Биыл маусымға дейін 4600 адам елге көшіп келген. Карантин шектеуінен шекаралар жабылған соң келген адамдар былтырға қарағанда 34 пайызға азайған. Биыл Қазақстанға келген 260-тан аса адам экономист, 150 азамат медицина маманы, ал заңгерлер 90-ға жуық. Былтырмен салыстырғанда елге келетін педагогтар 17,7%-ке азайған. Елге көшіп келген адамдардың 800-ден астамы Алматыға тұрақтады. Сонымен бірге көбі Маңғыстау облысы мен Шымкентке қоныс аударған. Ал пандемияға қарамастан елден көшіп кеткендер 14 мыңнан асады.

Ақерке Бектас