Қарағанды әкімдігі қызметтік көліктерді жөндеуге 5,8 млн теңге жұмсаған

Қарағанды әкімдігі қызметтік көліктерді жөндеуге 6 млн теңгеге жуық ақша жұмсаған. Бұл Skoda мен KIA автомобилі. Мемлекеттік сатып алу порталындағы мәліметке сәйкес, әкімдік биыл көлікті қарауға және жалға алуға қатысты құны 13 млн теңгеден асатын шарт жасасқан. Көлікті жөндеуден бөлек, шығын жалға алуға да көбірек кеткен. Мәселен, Қазыбек би ауданы мен Октябрь ауданының әкімдігі бұған 4 млн 600 мың теңге жұмсаған. Жанар-жағармай мен мотор майына 2 млн теңгеге жуық ақша кеткен. Gosreestr.kz порталындағы ақпаратқа сәйкес, жалпы Қарағанды әкімдігінде 2007-2018 жылдар аралығында шыққан 7 көлік бар.  

Ақерке Бектас