Елде ең төменгі жалақының көбеюі инфляцияның өсуіне әкеледі

Елде ең төменгі жалақының көбеюі инфляцияның өсуіне әкеледі. Ұлттық экономика министрлігінің хабарлауынша, келер жылы ең төменгі айлық 60 мың теңгеге өскенде тауар мен қызметке сұраныс артып, нарықтағы бағаға әсер етеді. Тұрғындар қосымша табысты қажет тауар мен азық-түлікке көбірек жұмсайды. Алайда сарапшылар елде экономикалық белсенді халықтың 10-12% ең төменгі жалақы алатынын жеткізді. Сонымен бірге өндіріс сұранысқа біртіндеп бейімделген соң жалақы өсімінің инфляцияға ықпалы төмендейді деп отыр. Еске салайық, Президент биылғы Жолдауда инфляцияны 4-6% деңгейіне қайтару туралы тапсырма берген. 

Ақерке Бектас