Америкалық 3 ғалым экономика бойынша Нобель сыйлығын иеленді

Нобельдің экономика бойынша 2021 жылғы сыйлығын америкалық үш ғалым иеленді. Олар – Дэвид Кард, Джошуа Ангрист және Гидо Имбенс. Мұны бүгін Швецияның Корольдік ғылым академиясының өкілдері жариялады.

Биылғы жүлде құны – 1 миллион 140 мың доллар. Оның жартысы Канада дүниеге келген Кардқа «еңбек нарығын жаңаша түсінуге көмектескені» үшін беріледі. Ал, екінші бөлігін Ангрист пен Имбенс «себеп-салдар байланысын сараптауға қосқан методологиялық үлесі» үшін алмақ.

Айта кетсек, экономикалық жүлде Альфред Нобельдің өсиетінде көрсетілмеген. Ресми түрде ол Швед мемлекеттік банкінің Нобель атындағы сыйлығы деп аталады.

Арыстан Рысбек