Йеменде 2015 жылдан бері соғыстан 10 мыңдай бала көз жұмды

Йеменде 2015 жылдың наурызынан бері соғыстан 10 мыңдай бала қаза тапқан және мертіккен. Мұны Біріккен Ұлттар Ұйымының ЮНИСЕФ агенттігі хабарлап отыр. Оның дерегінше, әрбір бес баланың төртеуі гуманитарлық көмекке мұқтаж болса, 400 мыңдайы ашаршылық тауқыметін тартып отыр. Және де елдегі 11 миллион баланың 2 миллионы мектепке бармайды.

Айта кетсек, осыдан алты жарым жылдан астам уақыт бұрын Иранға жақтас шиит-хуситтер Йемен үкіметін құлатты. Содан кейін бұл мемлекетке Сауд Арабиясы бастаған араб коалициясы еніп, билікті қолдаушылар мен көтерілісшілер арасындағы әскери жанжал тіпті күшейді.

Арыстан Рысбек