Украина қарулы күштері Қырым түбегінің маңында әскери жаттығу өткізді

Украина қарулы күштері Қырым түбегінің маңында әскери жаттығу өткізді. Бұл маневрлар Ресей армиясы Украина жанына көптеп шоғырланып, Киевтің Батыстағы одақтастарын алаңдатып отырған шақта ұйымдастырылып отыр.

Осы айдың басында Украина сақшылары, полицейлері, ұлттық гвардиясы Беларусь маңында да осындай ойындар өткізіп, елге мигранттардың басып кіруіне жол бермеуге машықтанды.

Киевке сенсек, Ресей жаттығудан кейін Украинаға жақында жерде 90 мыңдай жауынгері мен техникасын шоғырландырып кеткен.

Мәскеу Қырымды 2014 жылы аннексиялағаны белгілі. Ал Украина оны қайтарып алғысы келеді.