Мексикада жол апатынан кемінде 49 адам қаза тапты

Мексиканың оңтүстігінде жол апатынан кемінде 49 адам қаза тауып, ондағаны жараланды. «Рейтер» агенттігінің хабарлауынша, құрбандардың көбі – Орталық Америкадан АҚШ-қа жол тартқан мигранттар. Олар мінген жүк машинасы бұрылыста аударылып қалған.

Трагедия Чьяпас штатында өткен тәулікте болды. Мигранттар әдетте өз елдеріндегі зорлық-зомбылық пен кедейшіліктен және жұмыссыздықтан қашып, Мексика арқылы Құрама Штаттарға аттанады. Олар көбінесе адам саудасымен айналысатын қылмыстық топтар жалдаған үлкен машиналармен жолға шығады.

Арыстан Рысбек