Ақмола облысында iндеттің таралуы үш есе азайды

Ақмола облысында екпенің арқасында індеттің таралуы 3 есе азайды. Мәселен, тамызда 8300 науқас тіркелсе, желтоқсанда 800 адам індет жұқтырған. Қазір вакцина алушылардың қатары көбейді. Қарашада тәулігіне 400 адам екпе алса, осы айда бұл көрсеткіш бір мыңға жетті. 1800 жасөспірім «Pfizer» вакцинасын салдыртқан. Сондай-ақ, 4 мыңға жуық адам 3- мәрте екпе алып үлгерген.

Айнагүл Мусина, облыстық санитарлық-эпидемиологиялық бақылау департаментінің басшысы:

Үш ауданында екпе алғандар саны 85 пайыздан асқан. Егіндікөлде 97, Жарқайыңда 89, Қорғалжында тұрғындардың 86-ы проценті вакцина алған. Осы аудандарда жағдай тұрақты, әрдайым "жасыл" аймақта. Бұл екпенің тиімділігін көрсетеді. Сондықтан облыс бойынша да белсенділікті арттыру қажет. Індетті жеңудің жалғыз жолы - вакцина алу.

Ермек Елберген