Қостанайда 8 мыңға жуық балаға вакцина егілді

Қостанай облысы әлі «қызыл» аймақта тұр. Соңғы тәулікте 250 адамнан короновирус анықталған. Өңірде тұрғындарды індетке қарсы вакциналау жоспарлы түрде жүріп жатыр. Осы уақытқа дейін облыс халқының 60 пайызы толық екпе алған. Ал ревакцинациядан өткендер саны 88 мыңға жуықтады. Сонымен қатар 8 мыңға тарта мектеп оқушысына вакцина егілген.

Жаңылхан Мүсілімова, оқушының анасы:

Өзіміз отбасымызбен ақылдасып баламызды вакцина алуға әкеп отырмыз. Баламызға вакцина егілді. Өзін жақсы сезініп отыр. Қазақ атамыз айтады ғой: «Ауырып ем іздегенше, ауырмайтын жол ізде»,-деп. Сол жолдың бірі осы вакцина алу деп білемін.

Дәуренбек Әбдібек