Сарапшылар Қазақстанға шетелдік күштер қауіп төндіргенін мәлімдеді

Қазақстанға келіп, жағдайды өз көзімен көрген бірқатар сарапшының ойынша, елімізде қаңтарда болған оқиғаларға шетелдік жиһадшылардың қатысы болуы мүмкін. Бұл топтарға тіпті «әл-Қаида» террористік ұйымы қолдау көрсетіп отырса керек. Олардың түпкі мақсаттары – Қазақстанда база құрып, әлемдегі ықпалдарын кеңейту.

Ихат Әл-Джарири, деректі фильмдер продюсері (Иордания):

Жихадшыл топтар бар. Солар қаңтардың басындағы оқиғалар кезінде шерушілерге қосылып кетті. Олар демонстрацияларды жихадты елге кіргізудің мүмкіндігі деп қарастырды. Қолдаушылары - «әл-Қаида» деп ойлаймын. Оларда Қазақстанды хаб, база ретінде басып алу жайлы сценарий болды. Бұл топтар Сириядан ығыстырылып, бүкіл әлемде қашқындардың күйін кешіп жүр. Сондықтан олар Алматыдағы шеруді пайдаланып, Қазақстанда орнығып, түбінде әлемдегі ықпалын қайта кеңейтуді мақсат тұтса керек.

Ал Римдік терроризм жөніндегі сарапшы Рикардо Валленің ойынша, қаңтарда Қазақстанда шерушілерлерге террористер араласып, қылмыстық топтармен бірге әрекет еткен. Олар 90-жылдары Ауғанстан мен Тәжікстанға кіргендей, біздің елге де шетелден енуі ғажап емес.

Арыстан Рысбек