Мемлекеттік дума Путинге «ДНР» мен «ЛНР» тәуелсіздігін мойындауды ұсынды

Ресей Мемлекеттік думасы президент Владимир Путинге Украинаның шығысындағы екі сепаратистік аймақтың тәуелсіздігін мойындау туралы өтініш жасады. Айта кетсек, бұл территориялар «Донецк халық республикасы» және «Луганск халық республикасы» деп аталады.

Көптеген бақылаушылардың болжамынша, Мәскеу оларды мойындайтын болса, Донбасстағы әскери жанжалды тоқтатуға бағытталған Минск бейбіт процесі мүлде жойылуы мүмкін.

Құжат Путинге қол қоюға жіберіледі. Ал, Кремль басшысының оны мақұлдайтыны немесе мақұлдамайтыны әзірге белгісіз.

Арыстан Рысбек