Қасым-Жомарт Тоқаев: Елдің тұрмысын құрғақ сөзбен емес, нақты іспен көтеру керек

Жастар болған оқиғалардан сабақ алуы керек. Мемлекет басшысы сұхбатында осылай деді. Елдің тұрмысын құрғақ сөзбен емес, нақты іспен көтеруге тиіспіз. Жас буын осыны ұғынса дейді Президент. Елде тиімді, пайдалы жұмыс атқаратын мүмкіндіктер аз емес. Ұлы Абай айтқан «талап, еңбек, терең ой, қанағат және рақым» әсіресе осы заманда ауадай қажет екені айдан анық.

Тоқтар Болыс, «Қазақстан жастар конгресінің» атқарушы директоры:

Президентіміз кешегі сұхбатында өте көп сұрақтарды көтерген болатын. Менің ойымша жастар үіш өте маңызды үш нәрсе бар: реформалар туралы, жалған ақпарат тарату, еңбекқорлық туралы айтқаны. Әрбір жас түсіну керек «Жаңа Қазақстанды» құру тек қана Президенттің немесе Үкіметтің жұмысы емес. Ол әр азаматтың жұмысы. Жас мамандар өз ісінде білікті маман болуы керек. Сонда ғана дамыған мемлекеттер қатарына кіре аламыз.