Мәулен Әшімбаев: Азаматтарымыздың әлеуметтік мәселесін шешуге баса мән беруіміз керек

Сенат спикері қаңтар оқиғасына қатысты сұрақтарға жауап берді. Ютуб арнасына берген, сұхбатында Мәулен Әшімбаев қаралы қаңтарда қабылданған шешімдер жайлы және тәртіпсіздікке түрткі болған мәселерге тоқталды. Сенат спикерінің айтуынша мемлекет басшысы төтенше жағдай кезінде ұтымды шешімдер қабылдап, ушыққан жағдайды тұрақтандыра білді. Қазір бәрі қалпына келіп, кінәлілер жазаланып жатыр. Бастысы бұдан сабақ алып, тиісті қорытынды шығара білдік. Соған сай саяси реформалар жүріп, жаңа Қазақстанды құрып жатырмыз деді Әшімбаев.

Мәулен Әшімбаев, ҚР Парламенті Сенатының Төрағасы:

Азаматтарымыздың әлеуметтік мәселесін шешуге баса мән беруіміз керек. Осы тұста ауқымды жұмыс жүргізу қажет. Адамдар нақты іс-әрекет күтіп отыр. Сондықтан Үкімет пен Парламенттің уақыты жоқ. Мемлекеттік органдар дәл қазір қимылдап, түрлі мәселелерді шешуі тиіс.