Қасым-Жомарт Тоқаев Мысыр Араб Республикасының Президентімен телефон арқылы сөйлесті

Сонымен қатар бүгін Мемлекет басшысы Мысыр Араб Республикасының Президенті Әбдел Фаттах ас-Сисимен телефон арқылы сөйлесті. Сұхбат барысында Мемлекет басшылары екіжақты қатынастардың қазіргі жағдайы мен перспективаларын талқылады. Қасым-Жомарт Тоқаев сауда-экономика саласындағы ықпалдастықты дамыту керектігін атап өтті. Сондай-ақ Мемлекет басшысы Мысыр Президентін Қазақстанға сапармен келуге шақырды. Телефон әңгімесі Мысыр тарапының бастамасымен ұйымдастырылды.