Атырау облысындағы екі ауданның орталығын қар суы басты

Атырау облысындағы Қызылқоға және Индер ауданының орталығын қар суы басты. Айналасы 4 күннің ішінде Миялы елдімекенінен 750 текше метр, ал Жарсуат ауылынан 2000 текше метрге жуық, сондай-ақ Индерден 500 тоннадай су сорылды.

Қазір мамандар әкімдікпен бірігіп, күн-түн демей ауысыммен жұмыс істеп жатыр. Жауаптылар тұрғын үй мен әлеуметтік нысандарға зиян келмегенін айтады. Жергілікті билік өңір аумағында ахуал тұрақты, елдімекендерді су басу қаупі жоқ деп отыр.

Жандос Темірғали