«AMANAT» партиясының мобильді қоғамдық қабылдауы өз жұмысын бастады

«AMANAT» партиясының мобильді қоғамдық қабылдауы өз жұмысын бастады. Мақсаты - азаматтармен кері байланысты күшейту. Алғашқы болып Қарағанды және Ақмола облыстарының 10 шалғай ауылында тұрғындарды қабылдау жүргізілді. Бір күнде 100-ге жуық адамның өтініші тыңдалды. Басым көпшілігі әлеуметтік, тұрғын үй-коммуналдық мәселелер, жұмыспен қамту, еңбек құқығының бұзылуына шағымданды. Алдағы үш айда өңірлерді аралап шығу жоспарда бар. Мәслихат депутаттары - фракция өкілдері мен саяси кеңес мүшелері, қоғамдық кеңестер мен мемлекеттік органдардың өкілдері тұрақты түрде көшпелі қабылдаулар өткізеді деп жоспарланған.

Азамат Біржанов, «Аmanat» партиясы республикалық қоғамдық қабылдау бөлімі меңгерушісінің орынбасары:

«AMANAT» партиясына өткен жылы 175 мыңға жуық өтініш келіп түскен. Оның 60%-ы оң шешімін тапты. Осы жылдың 2 айында 25 мыңға жуық өтініш түсті. 

Ақниет Балтанова