Мемлекет басшысы 16 наурызда Парламент палаталарының бірлескен отырысына қатысады

Мемлекет басшысы Қасым-Жомарт Тоқаев 16 наурызда Парламент палаталарының бірлескен отырысына қатысады. Президент Қазақстан халқына Жолдау жасайды деп жоспарланып отыр. Онда жуық арада жүзеге асырылатын саяси реформалардың жаңа бағдарламасы мен әлеуметтік-экономикалық бағытта атқарылатын іс-шаралар туралы айтылмақ. Мемлекет басшысының Жолдауы сағат 11:00-де республикалық телеарналардан тікелей эфирде көрсетіледі.