Павлодарда Балалар жылы аясында 50 ауылдың мектебі жөнделеді

Президент 2022 жылды Балалар жылы деп жариялады. Соған орай Павлодар облысының білім беру мекемелерінде 64 іс шара өткізу жоспарланып отыр. Мәселен, тегін үйірмелерге баратын балалар саны 1100 ден 2220, яғни, екі есеге ұлғайтылды. «Байтұрсынов картасы» деп аталатын жаңа жоба іске асырылады. Мақсаты - оқушыларға рухани тұрғыдан бай тәрбие беру. Ал, ең бастысы шалғай ауылдардағы білім ошақтары күрделі жөнделетін болды. «Заманауи мектеп» жобасына бюджеттен 34 млрд теңге қарастырылған.

Дінислам Болатханұлы, Білім беру басқармасының басшысы:

Ауыл мектептеріне арнайы бөлек, бізде қазір 55 мектеп дайындалып жатыр. Бүкіл аудандар қамтылған. Осы қаладағы мектептерден кем емес жағдай жасалатын болады.

Болат Аманбаев