Павлодарда тасқыннан зардап шеккендерге 100 мың теңгеден бөлінді

Павлодар облысындағы Рождественка және Тереңкөл ауылының су тасқынынан зардап шеккен тұрғындарына қаржылай көмек көрсетілді. Естеріңізге сала кетейік, екі апта бұрын қар күрт еріп, аймақтың бірнеше ауданында елді-мекендерді қарғын су басқан болатын. Әсіресе Рождественка ауылы тұрғындары қатты зардап шекті. Тіпті, көпбалалы Остапенколар отбасының баспанасы жарамсыз болып қалды. Жергілікті әкімшілік оларға жаңа үй беріледі-деп сендірді. Сол кезде ауылға алғашқы болып «Қызыл Жарты Ай» қоғамы көмектесті. Азық-түлік, жылы киім-кешек апарды. Ал, жақында демеуші тауып қора-қопсысы мен дүние-мүлкі бүлінген тұрғындарға ақшалай 8 млн 600 мың теңге қаржы аударды.

Гүлнар Исақанова, облыстық  «Қызыл Жарты Ай» қоғамының төрайымы:

25 отбасы осындай көмек алып жатыр.Ол кісілерге «көмек картасы» деген карталарды ұсынып жатырмыз. Барлығы қаржылай көмек алып жатыр. Әр отбасының әр мүшесіне 100 мың теңге беріліп жатыр. Яғни, бір отбасында 6 адам болса, сол 6 адамға 600 мың теңге .

Болат Аманбаев