Кепілдегі мүліктің банк балансында болуына 3 жылдық шектеу енгізілді

Қарызды да сатып алуға болады. Заңды тұлғалардың банк алдындағы берешегін өтеп, кепілдегі мүлкін -қайта іске қосуға мүмкіндік жасалады. Мәжілісте стрестік активтерді экономикалық айналымға шығаратын заң жобасы қабылданды. Енді инвесторлар тұралап қалған өндірісті қаржы құйып қайта түлете алады. Сатып алушыларға шектеу жоқ. Тек шетелдік болса, қарызы төленген нысанды сенімгерлік басқаруға беруі міндет. Осыны реттейтін арнайы агенттікке қарасты сервистік компаниялар құрылады. Оларға да талап қатал. Аталған жұмысты атқару үшін жарғылық капитал 100 млн теңгеден жоғары болады. Қазір елімізде қаржы институттарына 2,3 трлн теңге қарыз бар. Соның тең жартысын инвесторлар игере алады.  

Ерлан Қошанов, ҚР Парламенті мәжілсінің төрағасы:
Кепілдегі мүліктің банк балансында болуына 3 жылдық шектеу енгізілді. Бұл көптеген уақыт жұмыс істемей жатқан стрестік активтерді ел экономикасына айналуына мүмкіндік береді. Екінші құны 50 млн теңгеден асатын активтерді сатып алған инвесторға оны дербес басқаруға болады.