Әлемде бидай бағасы 60 пайызға өсті

Халықаралық нарықта бидай құны биыл 60 пайызға өсті. Үндістан астық экспорттауға тыйым салғаннан кейін, оның бағасы тіпті шарықтап, соңғы екі айдағы ең жоғарғы көрсеткішке жеткен. Қазір дүниежүзі елдерінде бидаймен бірге, нан және басқа да ұн өнімдері қымбаттап барады. Үндістан болса, астық өсіруден әлемде екінші орында тұрғанымен, оны сыртқа шығаруды шектеп, ішкі нарыққа көбірек сатуға тырысып отыр.

Ресей әскері басып кіргеннен кейін, Украинаның шетелге астық жөнелтетін мүмкіндігі азайды. Осындай жағдайда Үндістан да, сыртқа бидай сатпау туралы шешім қабылдап отыр.

Арыстан Рысбек