Техас штатындағы атыс құрбандарының саны 21-ге жетті

АҚШ-тың Техас штатының Ювальд қаласындағы мектепте атыс болып, 19 оқушы қаза тапты. Сонымен қатар, 2 ересек адам жан тәсілім еткен. Олардың бірі - мұғалім.

Ал, оларға оқ жаудырған 18 жастағы Сальвадор Ромасты полицейлер оқиға орнында атып тастады. Мектепке бармас бұрын Ромас әжесін де өлтірді деген мәлімет тарап жатыр. Оның мұндай ауыр қылмысқа неліктен барғаны белгісіз. Атыс кезінде екі тәртіп сақшысы зардап шегіп, жеңіл жараланған.

Трагедияға байланысты президент Джо Байден мәлімдеме жасап, құрбандардың туған-туыстарына көңіл айтты. Және де ол қару саудасын шектеу заңын қабылдауға кедергі жасап отырған лоббиге қарсы дереу шара қолдануға шақырды.

Арыстан Рысбек