Өскемендік полицейлер 65 млн теңгенің есірткісін тәркіледі

Шығыс Қазақстан облысының полицейлерi есiрткi жеткiзуге қатысы бар қылмыстық топтың жолын кесу үшiн арнайы операция өткізді. Нәтижесiнде 1 келiге жуық синтетикалық есiрткiнi Өскемен қаласына әкелмек болған 35 жастағы алматылық ұсталды. Қаскөй күдiкке iлiнбес үшiн өзiмен бiрге жолға жұбайын да алып шыққан. Ал бiраз уақыттан соң операция барысында қылмыстық топтың екiншi катысушысы да қолға түсті. 29 жастағы ер адамнан 2 мың дозаға тең 600 грамм синтетикалық есiрткi табылды. Сондай-ақ есiрткiге қарсы күрес жұмысы Актөбе қаласының 24 жастағы тұрғынын ұстаумен аяқталды. Одан құрамында 0,5 келіден астам альфа - РVР психотроптык суйықтығы бар 5 пластикалык ыдыс тәркілендi.