Басты Жаңалықтар Қостанайдағы өрт: Жағдай әлі де күрделі

Қостанайдағы өрт: Жағдай әлі де күрделі

04.09.2022 20:00

Өңірде жағдай әлі де мәз емес. Ахуал күрделі. Күштік құрылымдар мен барлық құтқарушылар жағдайды бақылауына ұстап отыр. Дегенмен алда түн. Желдің екпіні күшейсе тағы ушығып кетуі әбден мүмкін. Оның үстіне өрт шалған ауылдардың ешқайсында тілсіз жау толық өшірілген жоқ. Бықсып, қайта тұтанып жатыр. Сондықтан өрт сөндірушілер түні бойы барлық аумақты күзетіп шықпақ. Ал өртке жақын ауыл аймақ тұрғындары қауіпсіз жерге әлі де көшіріліп жатыр.

Талғат Уәли, ҚР Төтенше жағдайлар министрлігінің ресми өкілі:

Біз тұрған мына жер жедел штаб. Тәулік бойы жұмыс істейді. Әсіресе әуеден бақылау жиі-жиі жүргізілуде. Мұнда Төтенше жағдай министрлігінен бөлек, Қорғаныс, Ішкі істер, Экология министрлігінің басшылық құрамы жүр. Ертең аймаққа қосымша көмекке адамдар келеді. Әрі ауыр инженерлік техникалар тартылады.

Бөлісу