Мемлекет басшысы Қатар Әмірі шейх Тәмим бен Хамад Әл Тәнимен телефон арқылы сөйлесті

Мемлекет басшысы Қасым-Жомарт Тоқаев Қатар Әмірі шейх Тәмим бен Хамад Әл Тәнимен телефонмен сөйлесті. Ол футболдан әлем чемпионатының жоғары деңгейде өтуі, Қатардың дамыған әрі бейбітсүйгіш ел ретінде әлеуеті мол екенін жеткізді. Сондай-ақ, Қатар Әмірінің Астанаға жасаған мемлекеттік сапары барысында қол жеткізген уағдаластықтарды тиімді жүзеге асырудың маңызды екенін атап өтті.

Әңгімелесу барысында екіжақты сауданы жандандыру және экономиканың түрлі салаларында бірлескен инвестициялық жобаларды жүзеге асыру қажеттігі жөнінде де айтылды.

Сәбит Әлдебай