БҚО-да әлеуметтік нысандар апатты жағдайда тұр

Батыс Қазақстан облысында Коуглоозерный арнаулы әлеуметтік қызмет көрсету орталығының ғимараты апатты жағдайда тұр. Мұнда жүйке ауруына шалдыққан науқастарға көмек көрсетіледі. Өңірге келген сенаторлар орталықты аралап, қазіргі жағдайымен танысты. Теректі ауданындағы орталық емхана да апатты күйде. Ғимарат 50 жыл бұрын салынған. Жаңа құрылыс басталғанымен, қаржы бөлуде қиындық бар.

Ләззат Рысбекова, ҚР Парламенті Сенатының депутаты:
Әлеуметтік қызмет көрсету орталығы 1953 жылы салынған. Кей корпустары 80-ші жылдары ашылған. Әбден ескірген. Жаңа ғимарат салу үшін республикалық бюджеттен қаржыландыру қажет. Біз әлеуметтік нысандар құрылысына тиісті қаражаттың бөлінуіне, мәселенің шешілуіне атсалысамыз, бар күшімізді саламыз.

Ардақ Мұратқызы