Таразда жол жөндеуге ₸30 млрд бөлінген

Таразда 30 жылдан астам уақыт күрделі жөндеу көрмеген жолдар бар. Сондықтан қала билігі тозығы жеткен көшелерді толық жөндеп, тіпті тар жолдарды кеңейтіп жатыр. Бұған бөлінген қаржы да аз емес. Соңғы 4 жылда жол инфрақұрылымын жақсартуға 18 млрд теңге қаржы бөлінген.  Данияр Әлімқұл жол құрылыс жұмыстарын көріп келді.

Бұл Ырысбек батыр көшесі, көшенің ұзындығы 1,9 шақырым. Ескі асфальтын алып тастап, жаңа асфальт салдық. 7 метрден 12 метрге дейін кеңейттік көшені. Қосымша автотұрақ жасадық, халықтың сұранысы бойынша.

Жақсы нәтижелі жол, мына жерден тротуарлары салынып жатыр. Су арықтары салынып жатыр. Бордюрлары жаңарып жатыр. Құрылыс қарқыны өте жақсы деп айтуға болады, қуантады, жақсы керемет. Мына жолдың айналма жолын да салып жатыр.

Бізде қазір қайта жаңғыртудан өткен көшеміз 7 көше. Ол былтырғыдан өтпелі. Қалған көшелер орта жөндеуден өтті. Биылғы жылға бөлінген қаражат 4,8 млрд теңге, 3 нысанымыз бар біздің, одан бөлек 10 көшеміз бар орташа жөндеу жұмыстары жүріп жатыр.

Таразда 2 200 шақырымнан асатын жол бар десек оның мың жарым шақырымы асфальтталған. Жалпы соңғы 4 жылда 516 көше орташа және күрделі жөндеуден өтті. Бұған 18 млрд теңгеден астам қаржы жұмсалды.