Сарапшы пікірі: Әр сайлау қоғам үшін маңызды үрдіс

Елдегі әр сайлау - қоғам үшін маңызды үрдіс. Өңірлерде мәслихат депутаттарының қолдауына ие болған азаматтар енді өз аймақтарының мүддесін қорғайды. Жоғарғы палатада ел игілігі үшін қызмет ететін заң жобаларын жасақтап, Президент бастамаларына қолдау көрсетеді деген сенімдеміз, дейді саясаттанушылар.

Индира Рыстина саясаттанушы:

2023 жылы болатын сайлау науқандарының алғы шарты осы сайлаумен басталды. Сенат депутаттарын сайлау. Бұл сайлаудың басқа сайлаулардан ерекшелігі - жанама форматта өтіп жатыр. Елімізде 3 мыңнан астам мәслихат депутаттары бар. Олар бүгін өз таңдауын жасады. Үміткерлердің арасында бәсекелестік бар. Және бұл бәсекелестік өңірлік деңгейде екенін біз естен шығармауымыз керек.

Аяулым Сағынбаева, Қолданбалы этносаяси зерттеулер институтының қызметкері:

130-дан астам кандидат өзін өзі ұсынды. Оның ішінде 55-ін таңдап, әрі қарай бәсекеге қатысуға мүмкіндік алды. Бұл дегеніміз не? Өзін өзі бірінші кезекте өткізу деген – бұл саяси белсенділіктің артуы. Азаматтық қоғамды дамытуға мүмкіндігіміз бар. Ал азматтық қоғамның дамуы дегеніміз – демократиялық қоғамның дамуы.

Дарын Сағитов