Қазақстанда Су тасқынына дайындық жөніндегі үкіметтік комиссия құрылды

Жаңа аңдатпамызда айтқанымдай, көктемгі су тасқынына дайындық жөніндегі үкіметтік комиссия құрылды. Бұл туралы Премьер-Министрдің басқаруымен өткен кеңесте айтылды. «Қазгидрометтің» болжамынша, қаңтардың 31-мен ақпанның 4-і аралығында елдің оңтүстігі мен оңтүстік-шығысында қар аралас жаңбыр жауады. Ауа температурасы да күрт көтеріледі. Ал, Төтенше жағдайлар министрінің мәліметінше, қалың қар мен мұздың еруінен су жиналып, өзендер арнасынан асуы мүмкін. Осыған байланысты Алматы, Түркістан, Қызылорда, Жамбыл мен Жетісу облыстарына азаматтық қорғау бөлімшелерінің жұмысын күшейту тапсырылды.

Әлихан Смайылов, ҚР Премьер-Министрі:

Әкімдіктер ТЖМ-мен бірлесіп, қажетті шұғыл шараларды қабылдауы қажет. Қазір бізге су тасқынына дайындық шараларын күшейту керек. Ауа райының күрт жылынуынан тасқын қаупі туындап отырғаны баршамызға белгілі. Бұл бағытта тиісті шараларды жедел үйлестіру үшін Премьер-Министрдің бірінші орынбасары Роман Скляр бастаған арнайы Үкіметтік комиссия жұмысын бастайды.

Серік Селеубай