Қонаев қаласына алдағы екі жылда 100 млрд теңге инвестиция тартылады

Қонаев қаласы облыс орталығы болғалы 9 айдай уақыт өтті. Алдағы екі жылда шаһарға 100 млрд теңге инвестиция тартылады. Бұл өндіріс, туризм, ауыл шаруашылығы сынды маңызды салаларды дамытуға сеп болады.

Қазір шаһардың бас жоспары мемлекеттік сараптамаға жіберілген. Оған сәйкес кәріз жүйелері толығымен жаңартылып, жарық және жылу желілеріне күрделі жөндеу жүргізілмек.