Елде екі миллион көліктің мерзімі 20 жылдан асқан

Қазақстанда әрбір екінші жеңіл автокөліктің пайдалану мерзімі 20 жылдан асып кеткен. Мұндай темір тұлпардың саны 2 млн-ға жуық. 10 жылдан астам уақыт жолда жүрген көліктердің көбі үш аймақта тіркеліп отыр.

Алматы облысында олардың саны 406 мыңнан асады. Алматы шаһарында 310 мың, Шығыс Қазақстан облысында 212 мыңға жуықтап қалған. Ал Атырау облысы мен елордада ескі көліктердің саны анағұрлым аз болып шықты. Атырауда 10 жылдан бері қолданыста жүрген көліктердің саны жалпы автопарктің 45 пайызына тең. Астанада 48 пайыздан сәл ғана асады.

Айта кетейік, қазір елімізде 4 млн-ға жуық жеңіл автокөлік бар.

Дарын Сағитов