Павлодарда жұмыртқа бағасы арзандады

Павлодарда жұмыртқа бағасы бірден 20 пайызға арзандады. Себебі, аймақтық экономикалық тергеп-тексеру департаменті әлеуметтік маңызға ие өнімді әдейі қымбаттатып келген делдалдарды анықтады. Олар құс фабрикаларымен өзара ымыраласып, өнімді тікелей дүкен сөрелеріне жеткізбеу үшін әрекет еткен. Тіпті, басқа өңірлерден тасымалданатын жұмыртқаны көтерме бағамен сатып алып отырған.

Үлкен супермаркеттерге делдалдардың араласуына тыйым салдық. Қазір жұмыртқа өндірушілер тікелей жұмыс істейді. Соның нәтижесінде 52 теңге болған 1-ші категориялы жұмыртқаның бір данасы 42 теңгеге түсті. Он данасы бұрын 605 теңге болса, қазір 484 теңгеден сатылып жатыр.

Болат Аманбаев