Ақтауда әлеуметтік азық-түлікті негізсіз қымбаттатқан

Маңғыстау облысында әлеуметтік маңызы бар азық-түлікті негізсіз қымбаттатқан 7 кәсіпкер әкімшілік жауапкершілікке тартылды. Олар 15 пайыз үстемақының орнына жұмыртқаға 34, қырыққабатқа 67 пайыз қосқан. Тексеру нәтижесінде жұмыртқа бағасы 600 теңгеден 552 теңгеге, қырыққабат 210 теңгеден 158 теңгеге төмендетілді. Аймақта 5 ірі сауда желісі мен 200-ден астам дүкен иелері әлеуметтік маңызы бар азық-түлікке тек 10 пайыз үстемеақы қосуға келісім берген. Сондай-ақ, қазір өнім өндірушілер картоп, пияз және сәбізді гипермаркеттерге тікелей жеткізіп жатыр.

Аягөз Оралбайқызы