Жамбыл облысында сарбазды ұрып өлтірген күдікті 9 жылға сотталды

Жамбыл облысында әскерге келгеніне төрт-ақ күн болған маңғыстаулық Әлібек Қалбайдың өліміне кінәлі сарбаз 9 жылға бас бостандығынан айырылды. Сондай-ақ сот оған 6 млн теңге моралдық шығын төлеуді міндеттеді. Еске салып өтсек, қайғылы оқиға бұдан бір жыл бұрын Жамбыл облысындағы 30 212 әскери бөлімде болды. Әскерге келгеніне бірнеше күн болған азамат ауыр соққыдан көз жұмды. Сотталған сарбаз да әскерге марқұммен қатар шақырылған. Олардың арасында жанжал туындаған.

Аягөз Оралбайқызы