Павлодар іргесіндегі 6 гектар жер өрттеніп кетті

Айналасы 1,5 сағат ішінде Павлодардың іргесіндегі 6 гектар жер өрттеніп кетті. Бастапқыда былтырдан қалған шөп жанып, сәлден соң тілсіз жау «Яблонька» саяжай аумағына кірген. Қатты желдің салдарынан жалын шашырай тарап, 106 саяжай учаскесін күйдіріп жіберді. Өртті сөндіруге 10-ға тарта арнайы көлік, 30-дан аса адам жұмылды. Соңғы күндері аймақта өрт жиілеп кетті. Әсіресе дала өрті дес бермей тұр. Кеше түнде Ақсу қаласына қарасты Сынтас ауылдық округінде төрт бірдей жерден өрт шығып, Ертіс алқабындағы 47 гектарға жуық жер жанып кеткен.

Болат Аманбаев