АҚШ-та 780 мың адамның жұмыссыз қалу қауіпі бар

АҚШ экономикасы дефолтқа ұшырауға шақ тұр. Конгресс пен Ақ үй ұлттық қарыз межесін көтермесе үкіметінің қаржысы таусылып, жүз мыңдаған адам жалақы мен әлеуметтік төлемдерсіз қалуы мүмкін. Бірақ екі жақ бірнеше айдан бері ортақ мәмлеге келе алмай жүр. Өкілдер палатасын бақылауында ұстап отырған Республикалық партия жақында ұлттық қарыз шегін тағы 1.5 триллон долларға көтеріп, бірақ әлеуметтік шығындарды едәуір қысқартатын заң жобасын бекіткен еді. Алайда демократтар басым дауысқа ие Сенат бұл құжатты қабылдамайтынын мәлімдеді. Себебі Moody's агенттігінің есебінше, бюджетті қысқарту әлжуаз топтарды жеңілдіктерден айырады. 780 мың адам жұмыссыз қалуы мүмкін. Оның ішінде федералдық құқық қорғау органдары мен мұғалімдер бар. 

Жалғас Сәдібекұлы