Алматыда тағы бір қаржы пирамидасының қызметі әшкереленді

Алматы қаласында тағы бір қаржы пирамидасының қызметі әшкереленді. Сотқа дейінгі тергеу басталған. Қаржылық мониторинг агенттігінің мәліметінше, «Sincere System Group» компаниясының өкілдері салымшыларға айына 6-8 пайызға дейін немесе жылына 70 пайыздан астам табысқа ие боласыңдар деп уәде берген.

Депозиттің ең төменгі сомасы – 100 доллар. Сондай-ақ өзге салымшыларды тартқан жағдайда соманың 5 пайызы көлемінде кепілдендірілген кіріс қарастырылған. Десе де, компания клиенттердің ақшасын алғанын растайтын ешқандай құжат ұсынбай әрі келісімшартқа да отырмаған. Салым сомасы жеке кабинетте цифрлық түрде көрсетіліп, салынған қаражатты алу мүмкіндігі болмаған. Қазір сотқа дейінгі тергеу жүріп жатыр. 

Жазира Оразқызы