Astana Open: Теннисшілеріміз сәтті өнер көрсетуде

Астанада өтіп жатқан World Tennis Tour M15/W15 Asu Open халықаралық турнирінің екінші аптасы қазақстандық спортшылардың жеңісімен басталды. Ерлер арасындағы жекелей сында Дамир Жалғасбай алғашқы айналымда қарсыласын 6:3, 6:4 есебімен жеңді. Әйелдер арасында Ева Корышева үш сетке созылған тартысты кездесуде жеңіске жетті. Жұптық сында Ілияс Маратұлы мен Арсений Требухин, ал әйелдер арасында Альбина Какенова мен Анастасия Крымкова алғашқы айналымнан сүрінбей өтті. Сондай-ақ Ева Корышева – Сатима Төреген және Асылжан Арыстанбекова – Іңкәр Дүсебай жұптары да жарысты жалғастырып жатыр. Турнир 8 тамызға дейін жалғасады.