Қазақстан мен Кипр өзара құқықтық көмек көрсетеді

Қазақстаннан қаржы жымқырып, шетел асқан азаматтарды ұстау жеңілдеп келеді. Бүгін Сенат Кипрмен заңсыз қаржылық операциялар туралы ақпарат алмасу және қылмыскерлерді беру туралы келісімді ратификациялады. Қазақстан қазірге дейін алыс шетелдің 21 елімен осындай келісімге отырған. Дегенмен дәл қазір Кипрде халықаралық іздеуге жарияланған Қазақстан азаматы жоқ. Ал болашақта қылмыстарды ашу жұмыстарын жеңілдетеді дейді мамандар.

Мәулен Әшімбаев, ҚР Парламенті Сенатының төрағасы:

Келісімнің ережелері ұстап берудің рәсімдері мен шарттарын, сондай-ақ, азаматтарға құқықтық көмек көрсету мәселелерін реттейді. Алдағы уақытта екі елдің қылмысқа қарсы күрес жолындағы бірлескен қызметінің тиімділігін арттырады деп сенеміз.

Оңғар Алпысбай