Ақтөбе облысында егіннің 8 пайызы жиналмай қалды

Ақтөбе облысында толассыз жауған жаңбырдың кесірінен егіннің 8 пайызы жиналмай қалды. Жағдай әсіресе Әйтеке би мен Қарғалы аудандарында қиын.

Қазіргі уақытта 26 шаруа қожалығының шығынға батқаны белгілі болып отыр. Енді олардың өтініші бойынша қарыздары бір жыл мерзімге тоқтатылуы тиіс. Ауыл шаруашылығы басқармасының мәліметінше, екі ауданда егін алқабының 40 пайызы әлі орылған жоқ. Енді ол тек мал азығы үші ғана жарамды болуы мүмкін. Соңғы екі айда аймаққа жылдағыдан 4 есе көп жауын жауған.

Жақсыбек Кемал