Шәкәрімнің еңбектері жарыққа шығады

Шәкәрімнің орыс тіліне аударылған еңбектерінің жинағы басып шығарылмақ. Мәскеуде «Шәкәрім - Абай мұрасын жалғастырушы» атауымен дөңгелек үстел өтті. Шара ақын, жазушы, философтың 165 жылдығына арналған. Көпшілік ұлт қайраткерінің келешекке қалдырған мұрасын талқылап, еңбегін насихаттауға барынша серпін беруі керек деген пікір білдірді. Осы мақсатта әдебиеттанушылар ойшылдың туған жеріне сапар ұйымдастыруды ұсынды.

Тұрдықұл Шаңбай, «Жидебай-Бөрілі» мемлекеттік тарихи-мәдени қорық-музейінің директоры:

Тәуелсіздік жылдары Шәкәрім ақталғаннан кейін көп зерттеліп жатыр, 50-ден астам ғылыми диссертация қорғалды. Сондай-ақ «Шәкәрімтану мәселелері» деген академиялық ғылыми жинақ шыға бастады. Сонымен бірге мен өзім дайындаушысымын, Шәкәрім тұлғалық энциклопедиясы жарық көрген.

Индира Бегайдар