Алматыда 600 маман инклюзивті білім беру курсынан өтіп жатыр

Алматыда инклюзивті білім беретін 200-ге жуық мектептің педагогтері мен логопед мамандары, психологтар және директорлары инклюзивті курстан өтіп жатыр. КСМ: Нақтырақ айтсақ 600 маман балаларды психологиялық-педагогикалық әдістермен, интерактивті ойын және тапсырмалар арқылы инклюзивті түрде оқытуды үйренеді. Курсқа шетелден арнайы институттардан сарапшылар шақырылған.

Зәуре Колумбаева, ТМД елдері бойынша білім жүйесін дамыту» халықаралық қорының басқарушы директоры:

Инклюзивті білім беру бойынша ерекше білім беруді қажет ететін балаларға өзіндік әдіс тәсілдері бар, педагогикалық-психологиялық сүйемелдеулері бар, соның барлығын курстың барысында қамтылуда, теориялық, практикалық мазмұнды жағынан өте қажет, бүгінгі күнде сұранысқа ие курстың бірі.

Сәуле Жұмабекова, №5 мектеп - гимназиясының директоры:

Аларымыз өте көп. Инклюзивті білім беру туралы практика жағынан да, теория жағынан да өте керемет алып жатырмыз.  Дәрістер өткізілді және психологтар, қазақстандық әдіскерлердің арқасында көп нәрсеге көзіміз ашылды.

Нұрсұлтан Тілектес