Ақтөбе уақытша ұстау изоляторынан екі күдікті қашып кетті

Ақтөбеде уақытша ұстау изоляторынан екі тұтқын қашып кетті. 19 және 25 жастағы күдіктілер кеше таңғы 03:00 шамасында қалың ұйқыға кеткен күзетшілердің қасынан оңай өтіп кеткен.

Олардың қашып кеткенін мекеме қызметкерлері бірнеше сағат өткен соң білген.

Дереккөздерге сүйенсек, күдіктілердің бірі ірі көлемде ұрлық жасағаны үшін, екіншісі бұзақылық бабы бойынша тұтқындалған. Полиция қашқындарды ұстады.

Қазір күзетшілердің камера есігін жабуды қалай ұмытып кеткені анықталып жатыр. Ақтөбедегі уақытша ұстау мекемесінен екі жыл бұрын да бір күдікті қашып кеткен еді. Ол да көп ұзамай қайта тұтқындалған.

Жақсыбек Кемал