Премьер-Министр шетелдік компанияларды Қазақстанға инвестиция жасауға шақырды

Премер-Министр Әлихан Смайылов, шетелдік серіктестерді Қазақстандағы жобаларға инвестиция салуға шақырды. Бұл жайында Шетелдік инвесторлар кеңесінің аралық отырысында айтты. Онда Қазақстандағы инвестициялық ахуалды одан әрі жақсарту бойынша шаралар мен ұсыныстар талқыланды. Әлихан Смайылов Қазақстан Үкіметінің алдында 2029 жылға қарай экономика көлемін 450 млрд долларға, яғни екі есеге арттыру бойынша ауқымды міндет тұрғанын атап өтті.

Әлихан Смайылов, ҚР Премьер-Министрі:

Осы жылдың 10 айында экономикамыз 4,5 процентке өсті. Негізгі капиталға салынған инвестициялар 12,6 процентке өсіп, оның ішінде 3 трлн теңгені құрады. Орталық Азия аймағындағы шетелдік инвестициялардың 70 проценті Қазақстанға тиесілі. Жалпы біз экономиканың нақты секторының инвестициялық тартымдылығын арттыру бойынша белсенді жұмысты жалғастыратын боламыз.

Аида Ахметбек