Австралияның солтүстігін алапат тасқын жайлады

Австралияның солтүстігін алапат су тасқыны жайлады. Кейбір өңірлерге 600 миллиметрден көп жауын-шашын түскен. Өзендер арнасынан асты. 160 мың тұрғыны бар Кэрнс қаласын толықтай су басқан. Түн ішінде құтқарушылар жүздеген адамды қауіпсіз жерге көшірді. Табиғи апаттан қаза тапқандар мен зардап шеккендер жоқ. Су басқан аудандарда көлік жолдары, әуежай жабылды. Мыңдаған үй мен кәсіпорын электр жарығынсыз қалған.

Арай Төлегенқызы